分享:

大阪獨家超夢幻5層鬆餅

2017-02-16, on 信用卡旅遊優惠

大阪獨家超夢幻5層鬆餅...


日劇《請與廢柴的我戀愛》裡面,肉食女深田恭子跟同事食Lunch嘅時候,發覺班女同事食鬆餅就當一餐,結果要忍住肚餓等晚餐瘋狂食肉。日本鬆餅出名多花款,唔少人去日本旅行都會去鬆餅店朝聖。今次想介紹難波嘅Mog Cafe,佢係東京三軒茶屋鬆餅店Pancake Voi Voi嘅姐妹店,依家於關西有兩間分店,主要提供各式各樣嘅鬆餅組合,除咗甜嘅口味之外,亦提供鹹嘅鬆餅。

 

睇見門口看板嘅甜品poster已經口水直流。

 

可以邊等入座邊睇下店內人氣Ranking,好快已經決定要食No.3嘅焦糖棉花糖鬆餅喇。
 


Mog Cafe經常推出限定Menu,呢個係聖誕節限定鬆餅,靚到好似聖誕蛋糕呢。
 


推開門就聞到香濃嘅牛油味喇。


氣氛舒適且溫馨。


 

 



 


裝修用上大量白色同原色木頭,打造悠閒嘅日式Zakka鄉村風。

 


座位區隱私高,適合三五知己邊食邊傾計。



 


我點咗朱古力芭菲(贅沢チョコレートパンケーキパフェ)同埋焦糖棉花糖鬆餅(焼きマシュマロと焦がし塩キャラメルのパンケーキ)。


 


 



朱古力芭菲(贅沢チョコレートパンケーキパフェ),1000yen。

配料好豐富,有香蕉、朱古力雪糕、Brownie、玄米薄片、忌廉等等,口感順滑,香蕉嘅鮮甜中和朱古力嘅甜膩感。

 

焦糖棉花糖鬆餅(焼きマシュマロと焦がし塩キャラメルのパンケーキ),1100yen。
好靚好夢幻呢!令我少女心咇晒出嚟,不愧係店內No.3!5層Pancake煎得金黃飽滿,最上層放上滿滿燒至焦糖色嘅棉花糖,中間加上一塊牛油,令每一啖鬆餅都充滿幸福感覺。Pancake幾鬆軟,未去到Hotcake咁fluffy。


 

甜度適中,因為Pancake本身唔太甜,加埋棉花糖食就剛剛好。
不過mog為咗確保鬆餅品質,會等客人點餐後先開始製作,所以Peak Hour可能要等30至40分鐘,不過絕對值得等待。

 

Mog Cafe難波店
地址:大阪市中央区難波3-7-9 南華会館ビル1F
時間:11am-10pm(LO. 21:15)
電話:06-6636-5995

網址:www.cafe-mog.com

地圖:


 

分享: