分享:

兌外幣順道換里數3間兌換店匯率比較

2016-12-05, on 信用卡旅遊優惠

兌外幣順道換里數3間兌換店匯率比較...

有幾間分店喺機場嘅Travelex係香港唯一可以兌外幣賺AM嘅兌換店,好似好吸引!將佢同最受歡迎嗰2間兌換店比一比,發覺世上真係冇免費午餐㗎。一來兌換率唔算抵,二來兌外幣賺AM個rate都麻麻地,海外簽卡仲筍。

雖然於Travelex 喺全球多個地方都有分店,不過賺AM呢個promotion只限於中國內地 (北京、昆明、青島、上海)、香港同埋日本分店進行。

Travelex(香港)兌外幣賺AM準則:

-每次交易最多可賺2,500「亞洲萬里通」里數。
-1,000 港元以下之交易不可賺取「亞洲萬里通」里數。

Travelex(日本)兌外幣賺AM準則:

-每次交易最多可賺 333「亞洲萬里通」里數。
-20,000 日圓以下之交易不可賺取「亞洲萬里通」里數。


Travelex(中國:北京、昆明、青島、上海)兌外幣賺AM準則:

-每次交易最多可賺 1,500「亞洲萬里通」里數。
-1,000 人民幣以下之交易不可賺取「亞洲萬里通」里數。


假設我想換一萬港幣,於Travelex換到幾多外幣、里數?

假設我想換一萬港幣做外幣,3間公司邊間最抵?(藍色highlight:較抵)

Travelex、堅成同百年嘅匯率兌won同台幣都唔算差好遠。

不過Travelex大部分外幣兌換rate都差啲,以兌1萬港幣做日圓做例,堅成同百年同樣抵過Travelex 4,687yen(約HKD 352)。如果選擇於Travelex兌換,呢4,687yen等於換到500里,而1里約等於9.3yen(約0.7HKD)。

如果想旅行賺里數,喺外地用信用卡簽帳仲抵。而且兌1萬先得500里又做唔到咩大作為,我情願留多幾舊水去旅行食個靚飯喇!

不過若果你大頭蝦唔記得兌錢,去到機場幫襯Travelex都係唔錯選擇!因為夠方便,賺到嘅少少里數就當bonus啦~我見佢機場分店裡面,時間最長分店營業時間係:0515-00:00,坐凌晨機嘅朋友要早啲兌定/去到外地兌喇。

堅成網址

百年網址

Asia Miles網址

分享: